خانەوادەی شەهیدان، 

پێشمەرگە قارەمانەكان ،

سەرجەم لایەنەگرانی یەكێتی نیشتمانی كوردستان. ‎

ساڵڕۆژی دامەزراندنی یەكێتی نیشتمانی کوردستان تەنیا ساڵ ڕۆژی دامەزراندنی حیزبێکی سیاسی نییە بەڵکو یادی ڕێباز و خەباتێكە کە نیو سەدەیە لە بزووتنەوەی ڕزگاریخوازی کورد و خەباتی هەمیشەیی گەلەکەماندا ڕۆڵێکی بێهاوتاو بەرچاوی هەبووە.

‎نیو سەدەیە یەكێتی نیشتمانی وەك حیزبێكی سۆشیال دیموكرات لە پێشەنگی قوربانیدان بووە بۆ بەرجەستەکردنی مافەكانی گەلی كورد هەنگاو بە هەنگاو هاوتەریب لەگەڵ هەلومەرج و دەرفەتەكان چەندین بەربەستی سەختی بڕی بۆ بەدیهێنانی ئامانجەكانی، بۆیە ئەمڕۆ بە شانازییەوە یادی دەکەینەوە.

‎یەكێتی نیشتمانی وه كو حزبيكى پيشكەوتوخواز كار دەكات بۆ پێشخستنی سەقامگیری، سەروەری یاسا، ئاسایشی هاووڵاتیان، یەکسانی، دادپەروەری کۆمەڵایەتی و خۆشگوزەرانی لە سەرانسەری کوردستان 

‎ لە چوارچێوەی پرۆسەی چەسپاندن و پەرەپێدانی ڕیشەیی دیموکراسی و جێبەجێکردنی ماددە دەستوورییەکان لە پێناو بەدیهێنانی خواستەکانی گەلی كورد خۆڕاگری و ئیرادەی بەهێز بووە 

‎بۆیە ئێستا  گەلی كورد لە هەر چوارپارچەی كوردستان زیاتر لە جاران پێویستی بە یەکێتی نیشتمانی و کردەی هەماهەنگ و هەوڵەكانی بۆ پارستنی مافەكانی و دابینكردنی خۆشگوزەرانی و ئاشتی و سەقامگیرییە